Dersom du er over 19 år og ikkje har fullført vidaregåande utdanning før, har du rett til vaksenopplæring og kan få tilbod om gratis opplæring. Andre kan også søkje og kan få tilbod om opplæring dersom det er ledige plassar.
Helse- og oppvekstfag
Firda vgs tilbyr fleire opplæringstilbod innafor helse- og oppvekstfag som er spesielt tilpassa vaksne og deira livssituasjon. Det er stort behov for fagutdanna innafor helsesektoren, og kanskje du er på jakt etter ei ny retning innafor yrkeslivet?
Skuleåret 2025/26 har Firda vgs følgande utdanningstilbod tilrettelagt for vaksne:
- Helsearbeidarfaget - Modulstrukturert opplæring for vaksne (Nettskuletilbod)
- Helsearbeidarfaget - Modulstrukturert opplæring for vaksne (Menn i helse)
- Helsearbeidarfaget - Modulstrukturert opplæring for vaksne (Gloppenmodellen 1. året)
- Helsearbeidarfaget - Modulstrukturert opplæring for vaksne (Gloppenmodellen 2. året)
- Fellesfag for Helsearbeidarfaget (Gloppenmodellen 3. året)
- Vg1 Helse- og oppvekstfag (Nettskuletilbod)
- Vg2 Helseservicefag (Nettskuletilbod)
- Vg3 Tannhelsesekretær (Nettskuletilbod)
- Praksiskandidatkurs
Søk vidaregåande opplæring for vaksne her - søknadsfrist 1. mars
PS: Du kan også søke etter søknadsfristen, men søknaden må ikkje komme seinare enn at vi får tid til å gi den ei forsvarleg behandling før start av opplæringa.
Søk no
Vaksne kan søke om vidaregåande opplæring og realkompetansevurdering. Meir om søknad og fristar her.
