Firda vidaregåande – meir enn ein skule

Firda vgs ligg på Sandane i Gloppen kommune. Skulen har 342 elevplassar og 75 tilsette. I tillegg har vi vel 100 deltakarar på vaksenopplæringa. Vi er kjent som ein hybelskule der ca 50% av elevane bur på hybel. På ettermiddag/kveldstid har vi Open skule som er eit aktivitetstilbod til alle våre elevar. Her kan du gjere lekser, møte vener, kjøpe billeg middag, vere med på klatring og ete gratis kvelds. Gjennom skuleåret har vi mange kjekke arrangement som for eksempel haustfest, nyttårsball, musikal, danse- og dramaframsyningar for å nemne noko.