Takk til Firda-russen for ein triveleg russefrukost. Som rektor sa i takketala si; "The best russefrukost ever". Godt organisert, godt vertskap og eit godt måltid. Vi ønskjer russen ein god 17.mai og lykke til på eksamen.

Ei rekke organiasjonar har gått saman om å arrangere ei rusfri 16.mai-natt for ungdom i Gloppen. Arrangementet er i Trivselshagen, og det vert pizza, quiz og nattfilm. Bli med på arrangementet og hald deg rusfri, så er du med i trekninga av nokre fantastiske premiar. Les vidare for meir informasjon.

NRK Sogn og Fjordane var i dag på Firda for å lage eit innslag til kveldens vestlandsrevy. Tema er satsinga på nynorsk, og 3drama fikk gleda av å oppleve ein norsktime med kamera i klasserommet.

Bergen Filharmoniske Orkester og Ragnhild Hemsing opptrer i Trivselshagen torsdag 10.mai. Som eit spesialtilbod til musikkelevane på Firda, vil Ragnhild Hemsing ha eit lite seminar for musikkelevane tidlegare på dagen. Seminaret er i Aulaen frå 12.30 til 13.15.

Tidlegare i vinter arrangerte Firda vgs fylkesmeisterskap i handball for vidaregåande skuler. Jentefinalen mellom Firda og Dale vart utsatt på grunn av straumbrot. Kampen gjekk på nytt i Førdehuset i forrige veke, og Firda slo Dale 7-6.

Gloppen Scene inviterer til ein variert og kvalitetsprega konsert torsdag 3.mai. Elevar frå 3.klasse musikk på Firda spelar delar av eksamensrepertoaret sitt.

Helsestasjon for ungdom er stengt måndag 7.mai. Dei flyttar til nye lokale, og kan derfor ikkje ta imot elevar denne dagen.

Qfilm satsar på ekstremfilm i mai. Det vert zombi-workshop og sverdkamp-kurs når mediesenteret på Firda arrangerer Qfilm Xtreme frå 3. til 5.mai. Det er første gongen festivalen går ekstremt, og i år er fokus på sjangeren splatterfilm. Som ein del av festivalen vert det workshops, ein med fokus på sårsminke og SFX, og ein på scenekamp.

Det vert Zumba for elevar og tilsette, med nokre nye songar, på open skule torsdag 26.4. Tid: kl. 19. Stad: Aulaen. KOM!

Vi gratulerer Johanne Nyborg frå 2MK og Lotte Bukve Kjødnes frå 2 dans, som gjekk vidare til landsmønstringa i UKM. Dei imponerte i helgas fylkesmønstring i Operahuset på Eid, og skal representere Sogn og Fjordane på landsmønstringa.

Trivselshagen feirar at Gloppen blei årets kulturkommune og tilbyr gratiskonsert med den verdskjende pianisten Young-Choon Park, tysdag 17.april. Konserten startar kl 19.30 i Kultursalen.

Før påske var elevane i 3. klasse drama i praksis i barnehage. Vi har sett gang på gang kor dyktige dramaelevane er. Dei har begeistra oss gjennom førestilling etter førestilling. Men, korleis går det når målgruppa er 4 år gamle gutar? Her følgjer ein kort rapport frå dramaelevane sin praksis i barnehage.

Årets grisefest gjekk av stabelen fredag 13.04, med rekordhøg oppslutnad. Takk til alle- og spesielt russen- for ein særs triveleg kveld. Her kjem bilete av nokre av høgdepunkta:

Læreboka "Digitalt fortalte historier " er nyleg lansert. Dette er ei lærebok primært retta mot lærarstudentar, og er fyrste fagbok på norsk om digital historieforteljing. Ove Eide har forfatta kapittelet om vurdering.

Gjennom Comenius-programmet kan du no søkje om tre månaders hospitering i Ascoli Piceno i Italia neste skuleår. Dette er eit sjeldant flott tilbod. Reisa vert betalt, du får bu gratis og bli ein del av ein italiensk familie, og hospiterer på ein vidaregåande skule i tre månader. Tilbodet er ope for dei som no er fyrsteklassingar på studieførebuande og idrett, og er andreklassingar til hausten. Merk dykk søknadsfristen.

Elevane på programfag friluftsliv går no og ventar på Snønipa-turen dei skal ha saman med 3.idrett. Dei har hatt ein del turar på ski tidlegare i vinter, så dei er godt førebudde. Les vidare for å få ein liten rapport frå noko av det dei har hatt føre seg i vinter. Vi håper på godt vær og ein fin tur på Snønipa.

Det vert konsert på hotellet i regi av Gloppen Scene torsdag 12. april. Vi får besøk av tre band som er på fellesturne, "The Underground Tour". Banda er "Samora", "Punch" og "Cage of Torment".

På torsdag hadde Marzia, Maria Teresa, Monica og Ludovica den siste timen med 2FRC. Den 6 april returnerer dei tilbake til Italia, men verka på alle vis fornøgde med opphaldet og skulen vår. Dei har IKKJE lyst til å reise tilbake og synes norsk skule er betre. Kanskje skulen deira i Italia vil få tilbake opprørske elevar? 2FRC synes i alle fall det har vore kjekt å ha dei her! God tur heim!

Skriving som reiskap for læring er dårleg utnytta i skolen. Tradisjonen er å la elevane skrive for å vise kva dei har lært. Arbeidsmåtar som nyttar både skriving og lesing parallelt, gjer elevane til gode skrivarar og lesarar. Dette er hovudtanken i prosjektet «Skrive seg vegar inn i tekst», eit samarbeidsprosjekt mellom Firda vgs, Verdal vgs og Skrivesenteret.

Lise frå 3MKA er på Amandusfestivalen på Lillehammer. NRK følgjer Amandusfestivalen med eit magasinprogram kvar dag gjennom heile veka. I går var Lise med i sendinga. NRK sender magasinet "Tett på Amandus" på NRK3 kvar dag kl 19.30.