Måndag 1. februar blir det eit nytt fylkeskurs for lærarar i historie, samfunnsfag og religion. Foredragshaldar er som i fjor prof. Bernt Hagtvet. Hagtvet er professor ved Institutt for statsvitenskap, UiO, og er vel kjent i inn-og utland som ein dyktig og kunnskapsrik førelesar. Europeisk politikk, ekstremrørslene si historie og sosiologi og politisk teori er felt han har jobba mykje med.

Olav Åsteson sovnar julekvelden og vaknar først trettandedagen (6. Januar). Under søvnen har han ein visjon. I draumen reiser Olav til den andre verda, over Gjallarbrua og ned i helvetet. Her står det store oppgjeret mellom Grutte Gråskjegg (djevelen) og Sankte Såle-Mikkjel (erkeengelen Mikael). Når Olav vaknar reiser han til kyrkja og fortel kva han har drøymt.

Onsdag var det studieorientering for elevane i 3. klassane ved Firda, og ei av gruppene som deltok der var studentar som informerte om utdanningstilbodet i Bergen. Dei ynskjer no å få ei tilbakemelding frå elevane om korleis ein opplevde informasjonen for å kunne gjere den endå betre neste gong. Klikk "Les meir ...", der finn du link til evalueringa. Dei som deltek vert med i loddtrekninga av ein Nintendo Wii.

Firdarussen 2010 har laga ein forrykande russerevy spekka med humor, ironi, dans, latter, musikk, glede, sang, imitasjonar, pinlege situasjonar, komiske personar - rett og slett alle Firda sine attraksjonar! Overskotet av revyen går til dei jordskjelvråka på Haiti! Klikk på ”Les meir ...” for meir informasjon.

Gloppen folkebibliotek har kome på framsida av det nasjonale bibliotektidsskriftet "Bibliotekaren". Artikkelforfattaren, Erling Bergan, ville kome nærare eit svar på kva eit modellbibliotek er. Han kunne reist inn til hovudstaden og spurt ABM-utvikling eller Kulturdepartementet. Han valde å sjå det heile frå ein annan vinkel, og drog til Gloppen folkebibliotek i Sogn og Fjordane.

I serien med Firdakveldar, der lærarar ved Firda vgs føreles om tema dei har spesiell kompetanse i, er turen no komen til Runar Tafjord. Han er lærar på Medium og kommunikasjon og prosjektleiar ved det nye mediesenteret som skulen har fått midlar til å utvikle. Tid og stad: Måndag 18. januar kl. 19.00 i kinosalen i Trivselshagen. Gratis tilgjenge.

Torsdag skal elevane i 3MK på workshop med den mest profilerte og omsnakka fotografen i Noreg, Morten Krogvold. Dagen er oppstart på eit prosjekt der elevar på 3MK på alle tre MK-skulane i fylket skal portrettere alle kunstnarar og kunsthandtverkarar i Sogn og Fjordane.

Folk i Gloppen set stor pris på biblioteket sitt! Stadig fleire tek biblioteka aktivt i bruk, noko statistikken for 2009 tydeleg viser. 2009 var det første heile året i det nye biblioteket i Trivselshagen. Besøket i det nye biblioteket har auka med 79% frå året før. Utlånet har auka frå 41.855 til 46.725 - altså opp 12% frå 2008. Dette er samla utlånstal for alle tre avdelingar.

Onsdag 20. januar vert det orientering om høgare utdanning/studieorientering for elevar i 3. klasse heile dagen. Alle elevar i 3. klassane møter direkte i Aulaen kl. 08.30. Fram til lunch vil forsvaret, høgskular, universitet og nokre andre informere om sine tilbod. Etter lunch kan ein gå rundt på stands til dei ulike utdanningsinstitusjonane. Klikk på "les meir ..." for programmet for dagen.

Torsdag 14. januar er det konsertkveld i kaféen i Trivselshagen som del av "Vinterfesten" som går 13. – 17. januar. Dørene opnar kl. 21.00 med kiosk og sal av pizza. Konserten startar kl. 21.30. Det vert band frå 1. musikk på Firda og Samora rock- og metallband frå Førde. Alkoholfritt, opa aldersgrense og skyss til Breim etter arrangementet. Klikk på "Les meir..." for plakat.

Frå skuleåret 2010–2011 må alle som skal søkje om skuleplass eller læreplass bruke MinID når ein skal logge seg inn på vigo.no. MinID er ein personleg, elektronisk ID til offentlege tenester på nett, som også kan brukast til å søkje om stipend i Lånekassen, skaffe frikort frå skatteetaten, svare på innkalling til sesjon og fleire andre teneste. Vil du lage ein reklamefilm for dette?

Dei fire vidaregåande skulane i Nordfjord arrangerer i veke 2 ein informasjonskveld for alle foreldre/føresette som har elevar i 10. klasse. Det vert gitt informasjon om utdanningsprogram, fagval og det vert høve til å stille spørsmål. Klikk på "Les meir ...." for informasjon om dagar og tidspunkt.

Det er på tide å setje farge på heimstaden din med musikk, teater, video, kunst og dans! Anten du samplar beats, dansar halling, skjer treskulpturar med motorsag, spelar klassisk piano eller lagar 3-D animasjonar. Her kan alle mellom 10 og 19 syne fram kva dei driv med på fritida.

Også i år samlar vi 1. og 2. klassingane på MK og lagar eit moderne avishus som medieøving for elevane. Det skjer denne og neste veke. Dei skal, som i fjor, lage nyhende og aktuelle saker for elevar på skulen både på papir og til ei nettavis, og på nettavisa vert det både tekst, radioreportasjer, og fredagar vert det også TV-magasin på nett der veka vert oppsummert. Papirutgåva av Lønsjposten vil vere å finne i kantina og på personalrommet til matfri frå i dag, og sakene på nettutgåva vert i løpet av dagen å finne på nettadressa http://lonsj.tk.

Under juleavslutninga ved Firda før jul vart seks av dei tilsette heidra for 25 års teneste i Sogn og Fjordane fylkeskommune: Ola Bergheim, Else Torunn Kvamme, Gerd Nedreberg, Karin Walen Rindal, Ellinor Rise og Magnus Willumsen. Dei fekk alle tildelt fylkeskommunen si 25-års jubileumsklokke. Vi gratulerer og takkar for lang og tru teneste!

Musikklina ved Firda videregåande skule samlar fleire av dei mest talentfulle unge musikarane i heile Sogn og Fjordane. Onsdag 13. januar kl. 19.00 presenterer dei eit utval musikk frå den klassiske musikkverda. Det blir eit svært variert program. Solistar, små og store ensemble framfører musikk frå ulike musikkhistoriske epokar, frå barokken til komposisjonar skrivne i vår eiga samtid. Du får høyre verk av mellom andre Bach, Mozart, Chopin, Grieg, Prokofiev og Jan Magne Førde. Det vil svinge mellom stort instrumentalt alvor og vokalt koketteri og sjarme.

3. klasse på idrettslina fekk ein innhaldsrik, spennande og ikkje minst lang skuledag sist torsdag. Etter å starte dagen med to teoritimar og to treningstimar, kasta dei seg i bussen i matpausen for å reise til Breim. Hjortejakt stod på programmet. På ei 800 meter langline, med 30 meter mellom kvar, gjekk dei i eit to-timars hjortejag i skogen. To av medelevane sat på post saman med fleire hjortejegerar, og hadde 2 kronhjortar på skothald. Og kva skjedde så?? Klikk på "les meir ...."

Tysdag ettermiddag var 2. idrett på hjortejakt i Knut Førde sitt mykje medieomtalte rike. Opplevingane stod i kø. Etter å ha baska seg gjennom ulendt terreng i fleire timar, vart det flåing og disseksjon av hjort på slakteriet til Knut. Kneleddet sin anatomi vart grundig sjekka, saman med atlas og axis. Det viste seg at nervesystemet i ryggmargen var kopla saman med hjernen, når ein fekk saga av "topplokket" på kraniet. - No kan hovudskallen brukast som godteskål i jula, og ingen av småsyskena vil stele noko, kommenterte Knut.

No kan du finne "MUSIKKlinja på FIRDA sine VENER" på Facebook. Dette er ei side for dei som er glade i musikklinja på Firda og alle elevane der. Gruppa har allereie 204 medlemmer. Sida inneheld informasjon om musikklinja sine ulike aktivitetar, konsertar og framsyningar og du finn også bilde og videoar (m.a. frå adventskonserten). Klikk på Les meir... og registrer deg som medlem!

Den verdskjende musikalen om skulevegen til å bli berømt skal no setjast opp i Sogn og Fjordane. Vil du vere med? Det trengst dansarar, skodespelarar, sminkørar, scenearbeidarar, sufflør. Ikkje minst trengst det ein person med stålkontroll som kan vere inspisient underforestillingane. Premiere på musikalen er fredag 6. august og turnéen 7.-14. august. Meld deg på om du har lyst å vere med! Klikk på Les meir ... for søknadsskjema.