Foto: Arne Håberg, Sunnfjord Fokehøgskule

Torsdag skal elevane i 3MK på workshop med den mest profilerte og omsnakka fotografen i Noreg, Morten Krogvold. Dagen er oppstart på eit prosjekt der elevar på 3MK på alle tre MK-skulane i fylket skal portrettere alle kunstnarar og kunsthandtverkarar i Sogn og Fjordane.

Morten Krogvold er utan tvil den mest profilerte og omsnakka norske fotografen vi har, og dagen torsdag er delt i to der han først har ei foredrag der både andre og tredjeklassene på MK-skulane (Firda, Sogndal og Mo og Jølster) er med. Etter lunsj er det tid for workshop, og elevane får ein lang og spanande dag på Sunnfjord folkehøgskule.

Krogvold vil ha fokus på inspirasjon og arbeidsglede, og på foto og kunst, og samlinga varer heile dagen. Dette er oppstart for eit samarbeidsprosjekt mellom MK-skulane i fylket der registrerte kunstnarar og og kunsthandtverkarar i Sogn og Fjordane skal portretterast.

Det er elevane som har valgt Bilete som valfritt programfag på tredjeåret skal dokumentere kunstnarane for ettertida. Målet er at det heile skal ende opp i ei utstilling, og vert materialet godt nok, kan det også verte ei bok der desse er presentert ut på hausten.

Morten Krogvold hadde sitt store gjennomslag som fotograf på åtti- og nittitalet då han fotograferte kjende skodespelarar og kunstnarar. Seinare har han markert seg både i inn- og utland med ulike fotoutstillingar og workshops. Han har også vore særs aktiv i fotodebattar dei siste tiåra.

Det er Sogn og Fjordane Kunstmuseum, i samarbeid med Den kulturelle skulesekken, som står som arrangør for samlinga.