I samband med 30-års-jubiléet til idrettslina på Firda vgs vert det frå neste skuleår av starta eit nytt programfag med friluftsliv. Den eldste idrettslina i fylket framstår framleis som ein ung og vital 30-åring, som markerer alderen med ei ny utdanningsretning. Sentralt i friluftsliv som programfag står hjortejakt, brevandring, og allsidig båtliv med fiske og fangst. Men det er mykje meir enn dette Firda vil spele på i sitt nye undervisningstilbod, når skulen er plassert i det beste av natur landet har å by på.